▶️ दे घास तू..
दे घास तू घासातला
माणूस हो तू चांगला
पैसा जरी नसला तरी
वाया कुठे जाते कला
नावाजला चोहीकडे
काटा तुझ्या पायातला
कोणासही सांगू नको
किस्सा तुझ्या-माझ्यातला
यंत्रातल्या खोट्या जगी
नाती पुन्हा शोधू चला
दिसतो मला लपवू नको
होकार तू डोळ्यातला
गेल्यावरी आले मुखी
"सागर" तसा होता भला
🌿 सागरराजे निंबाळकर, कल्याण
मो - ८८ ७९८९ ७७९७
No comments:
Post a Comment
आपल्या अभिप्रायाबद्दल मनःपूर्वक आभार !