मान कुलदेवतेचा

------- मान कुलदेवतेचा -------

नवरात्रीमध्ये । शक्ती उपासना

होतात कामना । पूर्ण साऱ्या ।।१।।

महिषासुराचा । वध करावया

आली दैवी छाया । जगदंबा ।।२।।

त्रिशूळ, धनुष्य । शंख, तलवार

सिंहावरी स्वार। दुर्गा माता ।।३।।

कधी सौम्य कधी । रूप भयानक

दुर्जना घातक । महाकाली ।।४।।

पालन जगाचे। आहे तिच्या हाती

सृष्टीची निर्माती । आदिशक्ती ।।५।।

कल्याणदायिनी । त्रिमूर्ती चेहरा

मांगल्याचा झरा । नारायणी ।।६।।

करवीरी आहे । शक्तीपीठ खास

करते निवास । महालक्ष्मी ।।७।।

अठरा भुजांची । सप्तश्रृंगी माता

टेकविती माथा । भक्तगण ।।८।।

तुळजाभवानी । स्रोत प्रेरणेचा

कुलदेवतेचा । मान तिला ।।९।।

@ सागरराजे निंबाळकर, उल्हासनगर

मो - ८८७९८९७७९७