आई तुझे नाम

----------- आई तुझे नाम -----------

दिनरात मुखी माझ्या, आई तुझे नाम

आई तुझ्या चरणात, वसे चारिधाम ।।धृ।।

जन्म झाला पोटी तुझ्या, संचित असावे

आता वेगळे आणिक, काय मी मागावे

भाग्यशाली झाला जसा, कौसल्येचा राम ।।१।।

स्वतः राहिली उपाशी, मज गोडधोड

दिले हवे ते ते सारे, नाही हिरमोड

तुझ्या कुशीत व्यथांना, मिळतो विराम ।।२।।

शिदोरीच्या रूपे दिली, संस्कारांची खाण

तुझ्यामुळे आहे मज, समाजात मान

आशीर्वच राहो डोई, करतो प्रणाम ।।३।।

@ सागरराजे निंबाळकर, उल्हासनगर

मो - ८८७९८९७७९७