सेवा साहित्याची

------- सेवा साहित्याची -------

शास्त्रशुद्ध लिहू । शिकू व्याकरण

करूया जतन । मातृभाषा ।।१।।

नको मोडतोड । जुन्या प्रकारांची

खोली साहित्याची । मोज जरा ।।२।।

मना येई तसे । लिहिती सुमार

जडला विकार । प्रसिद्धीचा ।।३।।

ज्ञान संवर्धन । नाव सदरास

त्यात उपहास । लेखणीचा ।।४।।

कंपूशाहीमध्ये । जोडतात मित्र

मनाजोगे चित्र । रेखाटाया ।।५।।

करू संयमाने । मनन-चिंतन

स्वयंपरीक्षण । होते त्याने ।।६।।

जे जे सांगायचे । सांगा रचनेत

मांडू नये हेत । वेगळाला ।।७।।

मनोभावे करू। सेवा साहित्याची

मार्गदर्शकांची । कमी नाही ।।८।।

राजा असो रंक । व्हावया विकास

हवा प्रत्येकास । गुरू एक ।।९।।

@ सागरराजे निंबाळकर, उल्हासनगर

मो - ८८७९८९७७९७