हा छंद खास माझा (आनंदकंद)

--------- हा छंद खास माझा ---------

हा छंद खास माझा आनंद देत आहे

सारी सुखे सभवती न्याराच हेत आहे

आयुष्य संपते रे हे श्वास तोलताना

समजून आज आले पण मी मजेत आहे

मी सांगताच काही उडवून लावते ती

पटते न मज तरीही जमवून घेत आहे

ध्यानी मनी नसूनी दारात दुःख आले

कळले कधी न त्याचा हा काय बेत आहे

ही सांज पाहताना येती विचार काही

तेजोमयी किरण हे माझ्या कवेत आहे

गझलेत वृत्त आहे कवितेत भाव आहे

दोन्ही मला यशाच्या जवळीच नेत आहे