का चुकीचे वागतो आहोत आपण
शांतता नांदायची जेथे सुखाने
आज तेथे भांडतो आहोत आपण
लावण्यासाठी दिवा वंशावळीचा
कैक वाती जाळतो आहोत आपण
जो विठू वसतो तुझ्या माझ्यात वेड्या
त्या विठूला शोधतो आहोत आपण?
लाल आहे रक्त सगळ्यांचे तरीही
वेगळे का? वाटतो आहोत आपण
थांबणे एकाठिकाणी शक्य नाही
रोज इतके धावतो आहोत आपण
हात हलवत यायचे अन् जायचेही
काय मागे ठेवतो आहोत आपण?
~ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !