ग़ज़लेत शेर काही सुचतात रोज ज्यावर
डोळ्यांत डांबलेले होते बरेच अश्रू
सुटकेस पात्र झाले दुःखास भोगल्यावर
कंपूत दाद त्यांच्या मिळणे अशक्य आहे
त्यांच्यातल्या गुरूचा गंडा न बांधल्यावर
शंका चुकूनसुद्धा घेऊ नकोस आता
देऊन हात हाती विश्वास ठेवल्यावर
झाली मुकी नि बहिरी नाती क्षणात सारी
नाणी खिशातली या जोरात वाजल्यावर
आले भरून डोळे आनंद फार झाला
स्वप्नातल्या घराला प्रत्यक्ष पाहिल्यावर
जाईल "मी"पणाची वरच्या स्वरात बाधा
दिवसागणिक स्वतःचे गुणगान गायल्यावर
~ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !