का वाटलो मुलांना मी भार शेवटी
कामास फार आला शेजार शेवटी
आयुष्यभर स्वतःची मी राखली निगा
जडला तरी नको तो आजार शेवटी
उसणे दिल्याप्रमाणे जे प्रेम द्यायची
केले परत तिला ते साभार शेवटी
तू कर्म कर असे की, गेल्यावरी तुला
देतील चार खांदे आधार शेवटी
ताटात वाढते जी कायम मला-तुला
मानू जरा तिचेही आभार शेवटी
▪️सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !