~ वहीत माझ्या
अधूनमधून सुचते काही
बाकी विशेष नसते काही
प्रेम वेगळे केले जर का
माझ्या-तुझ्यात उरते काही?
हसशील किती खोटेनाटे
नजरेमधून सुटते काही?
केले नसते दुर्लक्षित जर..
वाद वाढले असते काही
येते काही ओठांवर तर..
ओठांमागे लपते काही
हळवा होतो जेव्हा-जेव्हा
वहीत माझ्या भिजते काही
धाव जरासा काळासोबत
एकाजागी मिळते काही?
▪️सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !