कोण साधू कोण भोंदू सांगतो मी
माणसांना रोज इतके वाचतो मी
कीर्तनामध्ये शिकवतो मोह टाळा..
अन् घरी येताच नोटा मोजतो मी
प्रेमही तितकेच करतो मी तुझ्यावर
कारणे शोधून जितका भांडतो मी
पेरले जर का कुणी वाटेत काटे
पाकळ्या समजून त्यावर चालतो मी
वारसा सांगू कशाला मी कुणाचा
मीच माझी जर गझल सांभाळतो मी
😊 सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !