~~ दुःखाचे गाणे
दुःखाचेही करता येते ज्याला गाणे
सोपे होते त्याचे येथे येणे, जाणे
समजत गेलो दुःखाला मी प्रत्येकाच्या
पण कोणीही ऐकेना माझे गाऱ्हाणे
खोट्या चलना भुललो नाही जर का आपण
कामी येते सत्कर्माचे सुंदर नाणे
पैसा-अडका माया आहे कुठवर पुरते
जमवा केवळ पोटासाठी काही दाणे
इच्छा, चिंता आता काही उरली नाही
माझ्या भाळी जेही आहे देवच जाणे
खेळत होतो बुद्धीबळ मी तेव्हा कळले
संयम ठेवत उलटावे शत्रूचे खाणे
भक्तीसुद्धा गरजेची या उपवासाला
नाही निव्वळ केळी, काजू, साबूदाणे
😇 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !