~~ पावसाळा..
डोळ्यात स्पष्ट दोन्ही दिसतोय पावसाळा
होऊन चिंब इतका भिजतोय पावसाळा
आयुष्य फार थोडे हाती असूनसुद्धा
फुलवून रान सारे जगतोय पावसाळा
प्रेमात काय पडला या गोजिऱ्या धरेच्या
होऊन पार वेडा हसतोय पावसाळा
जावे कसे कळेना सोडून पालवीला
चिंतेत याच एका झुरतोय पावसाळा
एकीकडे उभा मी एकीकडे दुरावा
पाहून या दरीला रडतोय पावसाळा
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !