🔰 वैभव दिवाळीचे
नको हेवेदावे | घडवू समेट
दिवाळीची भेट | हीच खरी ||१||
करंजीप्रमाणे | राहो वाणी गोड
नको तडजोड | संवादात ||२||
कधी रवा, कधी | बेसनाचा लाडू
फराळाला वाढू | आनंदाने ||३||
शंकरपाळीचा | अनोखा आकार
जपतसे फार | एकात्मता ||४||
चिवडा, चकली | मुक्त आणि गोल
सांभाळती तोल | जिव्हेचा या ||५||
जिथे-जिथे आहे | दाट अंधकार
लावू हातभार | प्रकाशाचा ||६||
चराचरामध्ये | करू दीपोत्सव
टिकवू वैभव | दिवाळीचे ||७||
🌿 सागरराजे निंबाळकर, उल्हासनगर
मो - ८८७९८९७७९७
No comments:
Post a Comment
आपल्या अभिप्रायाबद्दल मनःपूर्वक आभार !