🔰 सत्य कळले मला..
शेवटी-शेवटी सत्य कळले मला
कोण होता कटू कोण आहे भला
कौतुकाला जरी ओठ शिवले तिचे
संग्रही ठेवते टोमणा चांगला
शांततेने घरी नांदले सौख्य जर..
मोडकी झोपडी वाटते बंगला
प्यायल्याने मला होत नाही नशा
सोबती स्वर हवा एक दुःखातला
रोज भजतो नमो नाइलाजात मी
स्वावलंबी खरा भक्त वाटायला
▪️सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !