-- आयुष्याचे रूप आगळे --
आयुष्याचे रूप आगळे
आकळेना येथ कुणाही
सोडवावे कोडे कसे हे
पेच पडलाय मलाही
कधी हास्य खळखळून
कधी या आसवांच्या धारा
तरीही पीक वेदनांचे
पेरतोय येथ दुबारा
झाले-गेले विसरू आणि
चालू पुढेपुढे जरासे
तेवढ्यात टाकतो काळ
पुन्हा नवनवीन फासे
थकल्या-भागल्या जीवाने
आता, करावे तरी काय
ऐकेन यंदाही विधात्या
तूच सांग तरणोपाय
@ सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !