~ वेदना बोलते..
होय ! हल्ली मला एकटे वाटते
मी मुका राहतो वेदना बोलते
टाळते तू मला एवढे का बरे
सांग माझी अशी कोण तू लागते
तूप रोटी मला अन् स्वतःला शिळे
जीव आई पहा केवढा लावते
दुःख स्वीकारले भेट मानून मी
रोज दुनिया तरी टोमणे मारते
सर्व सामावते दोन ओळीतही
यामुळे तर मला ही गझल भावते
फक्त जाई-जुई हट्ट होता जिचा
तीच आता कशी? मोगरा माळते
@ सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !