~ बालपण यावे पुन्हा
बालपण यावे पुन्हा, मागे परतून
फुलपाखरापरी जे, गेले निसटून ||धृ||
चिंता नव्हती कसली, नव्हते बंधन
धावायचे चोहीकडे, निरागस मन
होतो हळवा मी आता, सारे आठवून ||१||
खाऊसाठी रूपयाची, नोट मिळायची
झाकली मुठीत तरी, मोठी वाटायची
गोष्टी सांगायची आई, घास भरवून ||२||
पावसात डोलायची, कागदाची नाव
विटीदांडू लगोरीचा, रंगायचा डाव
आता पाहतो केवळ, खिडकीमधून ||३||
आहे देवा तुझ्याकडे, एकच मागणे
यावे खेळायला माझ्या, दारात चांदणे
जगायचे आहे मला, लहान होऊन ||४||
@ सागरराजे निंबाळकर, कल्याण
मो - ८८७९८९७७९७
No comments:
Post a Comment
आपल्या अभिप्रायाबद्दल मनःपूर्वक आभार !