~ बाप घ्यावा समजून
भार अवघ्या घराचा
बाप सहज पेलतो
सुख असो किंवा दुःख
बाप खुलून हसतो
त्याच्या तोंडून कधीही
मला आला न नकार
दिले आम्हाला रोखीने
स्वतः राहिला उधार
तोच भिंत मजबूत
तोच छप्पर घराचे
कुणा-कुणाला सांगू मी
मोल बाप असण्याचे
आहे सोबत तोवर
बाप घ्यावा समजून
ज्याने वाढवले आहे
पाणी रक्ताचं करून
बाप पंढरीचा विठू
बाप तुकोबाची गाथा
करू नमन बापाला
पायी टेकवून माथा
@ सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !