~~ कसे ठरवू..
तुलाही वाटते का ते? मला जे वाटते आहे
असे काहीच नाही तर कशाला लाजते आहे?
तुझ्या प्रेमात पडल्यावर उघड झाले नव्याने की
क्षणिक सारेच तू निव्वळ मला उपभोगते आहे
गझल मी गायली अवघी हसू ठेऊन ओठी पण..
जखम जी आत आहे ती मनाला टोचते आहे
नको सोने, नको चांदी मला द्या भाकरी केवळ
निरागस भूक आशेने जरासे मागते आहे
कुणी म्हणतो गजल याची, कुणी म्हणतो गझल त्याची
कसे ठरवू गझल नक्की कुणावर भाळते आहे
😊 सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !