~~ मोफत आहे?
मात्रांमध्ये अडकत आहे
भरभर सारे साधत आहे
आळस आहे, चिंतन नाही
कष्टाला तू टाळत आहे
हट्टापायी वृत्तामध्ये
काना, मात्रा बदलत आहे
तंत्राचे तू स्वागत केले
मंत्राला का? विसरत आहे
सांगाड्याच्या सौंदर्यावर
का तू इतका भाळत आहे
मक्त्यामध्ये नावाला तू
बळजबरीने गुंफत आहे
किसतो आहे गझलेला तू
इतकी का ती मोफत आहे?
🌿 सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !