⚜️ सांत्वनाचे दोन शब्द
करतात खूप काही
सांत्वनाचे दोन शब्द
जेव्हा होतं दुःखामुळे
कोणी जागेवर स्तब्ध
सांत्वनाच्या शब्दांमुळे
होते वेगळी किमया
नाही करावी लागत
कोणापुढे गयावया
खोल गर्तेत गेलेला
सांत्वनाने सावरतो
आनंदाचा झरा मग
डोळ्यातून पाझरतो
येत नाही ज्या-ज्या वेळी
पैसा-अडका कामाला
करावया हवे तेव्हा
पाचारण सांत्वनाला
विसरून झाले गेले
आता सावराया हवे
मिळतात सांत्वनाने
अनुभव नवनवे
@ सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !