🚩 विठू कारभारी..
वारकरी सारे । करतात वारी
विठू कारभारी । पंढरीचा ।।१।।
शेकडो वर्षांची । आहे परंपरा
चालतसे धरा । सोबतीला ।।२।।
वाहे चोहीकडे । आनंदाचा पूर
नाही हुरहूर । जीवा आता ।।३।।
आषाढी वारीचा । महिमाच न्यारा
विठूचा देव्हारा । काळजात ।।४।।
विठू माझा बाप । विठू माझी माय
आता उणे काय । संसारात ।।५।।
युगे अठ्ठावीस । उभा एका जागी
सदा भक्तालागी । तारावया ।।६।।
होतो सदा लीन । अथांग सागर
भक्तीचा जागर । पंढरीत ।।७।।
◾सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !