▪️मन माझे...
हळूवार हृदयाची
उघडली मी संदूक
जपलेल्या आठवांनी
केले क्षणात भावूक
कुठे घेऊन जातील
नाही आठवांचा नेम
कधी भंगती अपेक्षा
कधी नकळत प्रेम
सारे ठाऊक असून
मन कुणाचे ऐकते
वेगेवेगे धावताना
एकाजागी विसावते
पाठ टेकली धरेला
केली नभाची चादर
क्षणार्धात मन माझे
पोहोचले चंद्रावर
स्वप्न ठेवता उशाशी
झोप लागली क्षणात
चालू होता उगाचच
किती गोंधळ मनात
▪️सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !